160530TO01-FT

只限真‧宅女 居家必備懶人服!

TommyKIT的頭像

煲煲吓劇覺得凍又懶得行去拎被?睇睇吓漫畫想去廁所但又懶得除褲?打打吓機想恰陣但又厭閂燈麻煩?如果你中咗以上任何一種想法,以下落嚟呢套乾物女專用懶人服就啱哂你喇!呢套連身服裝將人類嘅惰性照顧到無微不至,務求令你可以宅到一個極致,身為一個合資格嘅宅女,屋企衣櫃梗要有一套懶人服啦!

160530TO01-05

介紹番先,呢件衫集多功能於一身,頭部備有全面覆蓋性面罩,除咗體貼地留番個窿畀你抖下氣之外,最重要係可以隨時隨地瞓教,唔洗怕盞燈會璨住你,可以安心瞓個夠。呢個面罩可按需要除走,仲附有保暖功效,如果你想戴住嚟娛賓都得添!除此之外,懶人服採用寬鬆彈性物料,唔會束住個身,令你可以隨意郁動,仲營造一種好似全裸咁嘅舒適感,保你話正!呢件衫最別出心裁嘅位,一定要數去廁所拉鍊設計,你厭除褲麻煩唔緊要,一拉個拉褲,你就可以去到廁所,方便到極點!

160530TO01-06

懶人服針對每位宅女嘅需要,頭部設計得十分精緻。無論你係長頭髮抑或短頭髮,都可以按需要紮馬尾/孖辮,再將頭髮由個窿度走番出嚟,咁就唔怕焗啦!另外,面罩底下仲有一層罩,唔洗擔心會有光透到入嚟,再加上耳、鼻位特設物料保料,唔洗怕凍,可以放心瞓個靚教。

160530TO01-02

超彈性設計,唔怕cool住cool住。

話明懶人服,梗係要可以無拘束伸懶腰先叫懶人服架啦!

話明懶人服,梗係要可以無拘束伸懶腰先叫懶人服架啦!

針對一班唔鍾意戴bra嘅女性,懶人服胸部位仲有雙重防禦物料,包你唔會覺得磨住磨住好唔舒服。

針對一班唔鍾意戴bra嘅女性,懶人服胸部位仲有雙重防禦物料,包你唔會覺得磨住磨住好唔舒服。

呢個唔洗除褲去廁所設計,冬天去廁所真係一流!

呢個唔洗除褲去廁所設計,冬天去廁所真係一流!

小編知唔小心撳咗入嚟嘅宅男們都想有番件,但好可惜男仔着實在太細件喇!

小編知唔小心撳咗入嚟嘅宅男們都想有番件,但好可惜男仔着實在太細件喇!

着住懶人服喺屋企攤屍,特別有feel!

着住懶人服喺屋企攤屍,特別有feel!

資料來源:SpotlightBIBILAB

About TommyKIT

Go!Japan編輯部 新手上路,菜鳥編輯 閒時鐘意睇小說寫文扮文青 其實內心都係一個毒煲劇睇動畫漫畫嘅小宅宅

讀者回應