160527HA09-FT

PS2後期神作高清化 《奧丁領域LEIFTHRASIR》中文版上市

恆少的頭像

有打開家用機嘅朋友唔難發現近幾年「高清重製」舊作越嚟越多,好聽叫經典重溫,唔好聽就係炒冷飯啦!當然冷飯有分炒得好食同唔好食,最近筆者就有一隻心水推介《奧丁領域LEIFTHRASIR》(ODIN SHPERE LEIFTHRASIR / オーディンスフィア レイヴスラシル)。查實呢隻GAME日文版1月就已經出咗,官方中文版就剛於4月28日上市,唔識日文都無有怕。

如果係PS2年代已經打開機嘅朋友,應該都唔會唔認得「奧丁領域」呢隻PS2後期神作掛!時隔9年推出高清重製,隻雖然筆者手上就未有隻GAME喺手,不過筆者夠膽用個朵嚟同大家保証:肯定高質!點解咁肯定?因為事實上,開發「奧丁領域」嘅Vanillaware真係隻隻都高質囉。Vanillaware嘅game,或者準確啲講由製作人兼老闆神谷盛治開發嘅GAME大都有呢啲共通點:舊時街機遊戲咁嘅橫向動作模式、全2D繪製畫面及場景,以及靚到無人有嘅美術同世界觀。誇張啲講,Vanillaware嘅game唔單止係game,仲係一本可以玩嘅繪本,係一件藝術品。咁到底有邊幾隻GAME呢?土星機嘅「公主王冠」、online game「幻想大陸」、PS2「格林魔書」、wii「朧村正」以及早兩三年喺PSV上流行一時嘅「魔龍寶冠」。梗有玩 / 聽過是但一隻掛!

講返奧丁神域,當年PS2版果時由設定、美術到遊戲性都堪稱世界級,今次高清化之後更加就靚到爆,而且唔係單純提升畫質同流暢度,今次同一隻GAME內會有「傳統模式」同「LEIFTHRASIR模式」,前者完全保留舊時玩法(當然畫面會提升),新模式下戰鬥嘅節奏會較快較流暢,以官方講法係「誰都能樂在其中」咁話。此外當然仲有其他新元素,例如新怪物、新動作同招式、劇情語音等等,絕對唔係求其改吓解象度換一換貼圖材素就推出嚟嘅粗製可比。

咁當然講到忍,呢種奇幻美術風格未必個個鍾意嘅,但如果鍾意呢種手繪、日系奇幻風格,筆者相信全世界無第二個品牌可以做得好過Vanillaware。身在日本嘅筆者已經叫咗朋友幫我買返套中文版帶過嚟,之後有機會嘅話同大家寫下感想或者心得啦!   #PS4 #PSV #PS3 #遊戲

新舊版畫面對比,去片!

新舊版畫面對比,去片!

如果仲係心大心細買唔買,可以去免費DOWNLOAD個試玩版玩玩佢。

如果仲係心大心細買唔買,可以去免費DOWNLOAD個試玩版玩玩佢。

如果無玩過「魔龍寶冠」,筆者真心推薦你玩一次,尤其係細個有玩開魔界村、龍與地下城、吞食天地等橫向捲軸遊戲嘅朋友,絕對可以感受到以現今遊戲技術全力打造嘅懷舊橫向玩法係有幾咁正。

如果無玩過「魔龍寶冠」,筆者真心推薦你玩一次,尤其係細個有玩開魔界村、龍與地下城、吞食天地等橫向捲軸遊戲嘅朋友,絕對可以感受到以現今遊戲技術全力打造嘅懷舊橫向玩法係有幾咁正。

About 恆少

Go!Japan駐日記者,現為網民及二次元住民,但係比起動漫其實更加鍾意打機。

讀者回應