狐狸嘅相就睇得多,但真嘅狐狸你又抱過未?想同可愛狐狸親密接觸,就要來藏王狐狸村了。這裡的狐狸不怕生,甚至會主動接近人群去拎食物,但如果想餵牠們的話就要買專用糧食,千萬不要亂餵其他食物,如果唔係佢哋好易食壞肚!

只要同工作人員講想觸摸同抱狐狸,他們都會為你安排,而大家亦不需擔心衛生問題,因為狐狸們都會沖好涼、確保真係乾淨先會跟大家接觸。想抱住狐狸影相的朋友也要跟隨職員指示,穿著長袖風褸後才能抱狐狸,以免狐狸抓傷大家。

除了狐狸,村內都有小兔及白羊等小動物,同樣要在工作人員陪伴下才可抱起牠們。順帶一提,村口有告示牌指狐狸身上沒有氣味,假如大家在狐狸村內聞到異味,應是附近豬場傳來,所以不要誤會狐狸們啊!


體驗一 抱狐狸影合照

每次抱狐狸的時間為1分鐘,收費400日圓。

基於安全理由,高中生或以上的遊客才可抱狐狸,為免狐狸銳利的爪嚇怕小朋友。


體驗二 近距離接觸明星狐狸

Rie摸緊嘅狐狸係拍攝過晨間劇〈海女〉嘅五郎君!

體驗三 餵飼小狐狸

想餵狐狸就要去指定的高台,在上面丟飼料佢哋就會走埋嚟。

稀有品種出沒注意!

除咗紅狐狸,村內仲有銀狐同北極狐等稀有品種,好似呢隻喺上年6月初出世嘅北極狐BB,得呢度先有睇咋!

  • 藏王狐狸村

  • 宮城縣白石市福岡八宮字川原子11-3

  • 9:00am-4:00pm(營業時間隨季節變動,請詳參官網)

  • 詳參官網

  • JR白石藏王站轉乘的士約20分鐘