忍者服體驗 租忍者服過程全自助,由於穿著方法簡單所以自己著都無難度,而且只需1,000日圓已經可以租足成日!

去九州玩時嚟到佐賀縣,不妨去嬉野市嘅忍者村「肥前夢街道」,體驗一下忍者修行。

既係忍者村亦都係江戶街,有唔少古早Feel影相位,尤其換上cosplay自拍效果更佳。

條村本身係江戶街,有嘢玩有嘢睇有體驗,好似手裡劍投擲體驗、機關小屋、忍者劇場等等,帶埋小朋友嚟就仲開心。

忍者潛入敵陣刺探敵情時被敵人發現只好拔劍而戰…帶小朋友睇呢類劇場一定好開心。

化身忍者、武士、公主又或者藝伎,展開一場江戶時代浪漫譚!

真正忍者唔易做,想逃出生天就要過五關斬六將,你又準備好挑戰機關重重嘅忍者屋未?

必玩!真‧手裡劍體驗

同大家平時喺玩具鋪見到嘅塑膠手裡劍唔同,呢度用嘅手裡劍用鐵鑄造,造型亦按照古時忍者使用之手裡劍。

雖然係鐵製但當然並無開鋒,小朋友都可以放心玩唔會整親手。

阿Jam親身上陣試掟手裡劍,姿勢就有啦,之但係實際就…

將平日工作、人事上累積嘅壓力,一邊大喝一聲「吒」一邊用盡全身氣力將手裡劍擲出,有需要的話仲可以將個標靶想像為最乞你憎嗰個人,見到個手裡劍準確咁插喺塊靶上面,真係個人即時清爽晒。如果掟得準,仲有紀念品可以帶走添!

  • 元祖忍者村 肥前夢街道

  • 佐賀縣嬉野市嬉野町大字下野甲716-1

  • JR九州武雄溫泉站轉乘JR九州巴士往嬉野温泉方向於「公會堂前」站下車徒步約10分鐘