見到雄偉嘅富士山就在眼前,真係有種洗滌煩惱嘅感覺~
富士山作為日本的象徵,去邊度睇先可以欣賞富士山最靚一面呢?想近看的話可以坐遊覽船,欣賞富士山與微波粼粼的河口湖互相輝映的美好風光!搭船之外,大家還可以選擇坐纜車上到山頂,在標高1,075米的展望台上欣賞富士山和河口湖全景。

天上山公園登山纜車 上山展望全景

冬天上展望台,看到富士山山麓鋪上一層銀白雪衣,別有一番風味。
登上山頂過程全長3分鐘,沿途可以一嘗河口湖在腳下的滋味。
點解神社會祭祀兔仔神體?其實係為咗祈願登山同觀光客嘅安全,希望佢哋腿腳健壯,健步如飛。


河口湖遊覽船Ensoleille 坐船以山為鄰

遊覽船以法文「Ensoleillé」為名,意思即係陽光普照,而船身設計都甚具歐陸風格。
想搭纜車又搭船的朋友,可以選擇在纜車、遊覽船或河口湖站買1,300yen的套票,但當然唔係任搭,只係由購票當日起兩日內乘搭遊覽船及纜車各一次。不過原價加埋都1,730yen,計落都慳返430yen真心算抵啊!
富士山已於2013年成為世界文化遺產,與澄空藍湖構成了一幅美不勝收的圖畫,點影都好靚啊!

另一選擇 河口湖自然生活館

咁除咗搭纜車或船,仲有冇咩地方可以靜靜欣賞富士山呢?其實位於大石公園內有間河口湖自然生活館,位置正對富士山,6月至7月時份更有一望無際的薰衣草花海。

藍莓雪糕 / 350日圓

坐喺cafe一邊欣賞富士山,一邊食住味道香濃嘅雪糕,真係想將時間永遠定格呢一刻啊~

喺度漫步夠晒寫意浪漫~館內有cafe及紀念品店,最出名應該要數到自產的天然藍莓果醬,也有機會體驗製作果醬,夏天更可採摘藍莓呢!
擦染帆布袋 / 2,160日圓

店內都有唔少實用紀念品,好似呢個帆布袋質感硬淨,款式簡潔可愛,好難唔買啫!

  • 河口湖自然生活館

  • 山梨縣南都留郡富士河口湖町大石2585

  • 9:00am-6:00pm(11月至3月 9:00am-5:30pm)

  • 年中無休(新年期間營業時間縮短,天氣惡劣則臨時休館,詳情參照官方twitter)

  • 富士急行河口湖站轉乘懷舊巴士約30分鐘

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!