日本人氣炸雞店「からやま」踩入黃大仙!

日賣10,000件、以超高性價比風行關東嘅人氣炸雞專門店「からやま」(KARAYAMA)將於7月21日殺入黃大仙中心開設首家海外分店!為慶祝新店開幕,「からやま」將東京下町口味帶到香港,推出全新花椒惹味炸雞,滿足嗜辣港人。

高峰期一日可賣超過10,000件炸雞,短短三年內喺東京、神奈川、琦玉、千葉、愛知、群馬及北海道開設17間分店就知猛料!

講起「からやま」絕對係近年喺日本極速上位嘅小店之一,2014年先喺神奈川縣開設天字第一號店,價錢走平民路線兼份量十足,每件炸雞塊重量約50g,定食內共有五塊炸雞,單單炸雞塊份量已重達250g!店方更承諾柯打後十分鐘內上枱,不論味道、份量還是速度也為求滿足港人所需。

鐵板七味花椒炸雞(香港限定)(配白飯及味噌湯) / 65港元
初嚐未覺辣卻後勁十足,但亦不會過於辛辣反倒非常過癮。

由於參考炸豬扒店技術並加以改良,炸衣口感比傳統炸雞略有不同,「からやま」以淺草緣秘傳醬油調味料取生薑和蒜頭等傳香料醃製雞肉,為了讓雞肉充分調味,「からやま」會讓雞肉醃製一天後才上粉裹衣,更考慮到上粉後的雞肉仍然會滲出水份「からやま」會把上粉後的雞肉冷藏兩小時, 讓外衣吸收雞肉表面多餘的水分。雞塊下滾油後外衣的水分就會瞬間蒸發此外 「からやま」在炸雞塊途中讓炸雞接觸空氣讓炸雞塊保留超脆口感緊緊鎖著雞肉中的肉汁!故此深受當地日本人歡迎。而店方亦講求創新,不斷創作能搭配白飯的炸雞為前題,每月推出新菜色,例如鐵板南蠻炸雞、泰國冬蔭公口味炸雞及節日限定菜色等。今次殺入香港,店方都特意以七味花椒調味,創作香港限定口味炸雞「鐵板七味花椒炸雞」。以七味粉再配搭花椒,多層次麻辣口味吸引嚐辣之人。

KARAYAMA定食(梅)(配白飯及味噌湯) / 59港元
招牌炸雞以秘傳醬油調味,再配以極醬汁(芝麻蒜蓉)、鹽極醬汁(果香鹽味)及不時更換的時令滋味醬,真係一次過滿足你三個願望!
滑蛋炸雞丼(配味噌湯) /HKD $55
有別傳統親子丼,脆身炸雞與嫩滑雞蛋配搭,一脆一嫩口感夠醒胃。
鐵板南蛮他他醬炸雞定食(配白飯及味噌湯) / 65港元
脆口炸雞上淋上濃厚他他醬,酸酸地非常惹味開胃,是為宮崎縣特色料理!

為慶祝「からやま」黃大仙店開幕,於7月21日至23日期間,「KARAYAMA定食(梅)」、「秘製芝麻蒜蓉白髮蔥炸雞丼」及「果香鹽味醬白髮蔥炸雞丼」會以價惠價50港元推出,真心抵食!而其他菜式則會於7月24日起正式推出,以後去開黃大仙又有好嘢食喇!

  • からやま (KARAYAMA)

  • 九龍黃大仙正德街103號黃大仙中心南館地下G6

  • 2109 0484

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!