第 2 部 動漫補底班 秋葉原

經過聖地洗禮,本身不是動漫迷的話又想不想多了解動漫文化﹖究竟何以這麼多人對 ACG 著迷﹖最簡單的方法便是到動漫天堂—秋葉原行一趟了解「民情」!其實在上世紀 70 年代,秋葉原本身是售賣影音及電器;及至 2000 年代,ACG 及玩具、hobby逐漸入主秋葉原,變成現在為人熟悉的動漫熱點。現在這裡集動漫電玩、女僕及主題 cafe 及各種二手賣店於一區。就算並非動漫迷,也可以搵到過癮體驗!

不到壽屋非好漢!

進擊的巨人模型

 

古有「不到長城非好漢」,不逛過「壽屋」便不算來過秋葉原!可能香港人未必認識,不過歐美的外國遊客來這裡一定到此一遊。壽屋是一家有名動漫模型生產廠商,除了日本人氣動漫角色,更有生產歐美動漫及電影人物。就算不諳 ACG 都講得出的〈星球大戰〉、〈變形金剛〉及〈正義聯盟〉等壽屋都有出品。由模型到各類精品都有,所以想買手信畀朋友都無問題啦!

 

壽屋在上世紀 50 年代是以玩具店創業,不說也不知原來其本社正正在成為多個動漫舞台的立川市!立川市的本社現時進行模型開發與創作等,配備先進的 3D 立體打印技術協助研發,製作越來越高科技!而其零售點則位於秋葉原及大阪,可見立川與秋葉原都與 ACG 結下不解緣呢!

壽屋 秋葉原館
地址:東京都千代田區外神田 1-8-8
電話:03-5298-6300
營業時間:10:00am-8:00pm
休日:年中無休
網頁:http://www.kotobukiya.co.jp/store/akiba/


第 3 部 簡易 COSPLAY 江戶人變身!

睇完動漫實景、看走一轉秋葉原,有沒有心郁郁想自己都化身成一個角色呢﹖來到東京近郊的日光江戶村,就可以一嚐著上戲服的體驗。雖然不是扮成動漫人物的真正 cosplay,不過卻可試試易服的好玩之處!與一般的和服體驗不同,這裡是百分百的「古裝」。由武士、忍者、花魁,到江戶時代有名的新撰組的服裝都有。而江戶村整個園區亦是一個大型舞台,不少扮成江戶各種職業的工作人員會在街頭與遊客互動,令大家可以更「入戲」代入角色!當然切記帶相機,影多幾張相留念至得~

江戶好戲派

除了突發街頭劇場,江戶村亦有幾個好「戲碼」,識玩就一定肉緊咁去睇、肉緊咁去參與。未知大江戶今日又有何精彩新鮮事上演﹖

江戶雄心

園區內的重心位置—火之見櫓,即古時的消防塔下,會有各種精彩表演。想知江戶居民日常的恩怨情仇,就要擔定櫈仔等睇喇!浪人、民婦、警備隊都好入戲、好有性格!

官人體驗

各位想「幫襯」花魁的官人要留意喇!花魁劇場非常歡迎大家上場參與,更加可以同花魁互動…當然紅牌姑娘係賣藝唔賣身嘅!所以各位官人都係乖乖傾吓計,守規矩至得!

花魁巡遊

江戶村內最吸引同人氣嘅表演就係「花魁巡遊」。仿照古時的規矩簡化而成的表演仍然好靚好華麗!頭牌花魁以冷豔的身姿出現眼前,隨後是一整隊人馬浩浩蕩蕩登場,可能仲好睇過迪迪尼…

日光江戶村
地址:栃木縣日光市柄倉 470-2
營業時間:夏季(3 月 20 日至 11 月 30 日)9:00am-5:00pm
冬季(12 月 1 日至 3 月 19 日)9:30am-4:00pm
收費:成人 4,500 日圓 兒童 2,300 日圓
網址:http://www.edowonderland.net/index.html