大家好,我係阿榮。

講咗咁多回搵工嘢,今回係時候分享吓面試嘢喇!

話時話,我真係IN過19幾份工,我仲喺石川嗰陣揾大阪呀、東京嘅工嘅話,係無一份有回音嘅!!!!!可能係有公司怕麻煩,唔想請個外省人,一個遠少少嘅縣,唔係大公司嘅話都唔會有INTERVIEW,所以當我一去到大阪,面試就係咁嚟!!!我試過一星期差唔多四日都有面試,基於我本身係WORKING VISA,好多公司知唔使搞申請VISA呢啲麻煩嘢,所以都會IN吓我咁掛。

喺日本面試係點?我IN親嗰啲都幾casual吓,即係好似同你聊計對話咁,開頭實叫你自我介紹吓(o架),之後就會問吓你有咩工作經驗呀、有咩自己優勝之處呀,都係嗰啲老土嘢啦!喺呢19幾次嘅INTERVIEW入面,我被人問得最多嘅就係,點解你會嚟日本同點解你當初會學日文,實問嘅,因為我哋係外國人!!!因為好多間公司都問差唔多嘅嘢,所以事前我都係作定好晒答案,背好佢,每次都早20分鐘到人哋公司樓下,望住部電話狂練!!!雖然喺INTERVIEW有陣時都講唔返背咗嘅嘢出嚟,但係打定個底,等自己有啲信心呀嘛!!!

其實人哋真係好睇你日文講得好唔好(o架),因為日文係基本同人溝通嘅方法,即使你將來對嘅客只係外國人,但同上司同事之間嘅工作上聯絡呢,都一定要聽得明日文同表達到自己,特別係我IN親嗰啲都係營業呀企畫,即係要對客嘅,日文唔好唔得!!!!!但喂我日文真係好差(o架)喎!!!咁有咩方法補救?

無(o架),9笑囉!9笑顯誠意嘛!!!!!!

因此,我揾到我份新工喇!

最後給大家一張我有人工所以可以買多肉植物嘅相!

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。