大家好,我係阿榮。

啱啱過去嗰個幾月都忙緊搬屋,有睇過下page嘅朋友仔可能都知我喺搵屋個度已經搞到成壇嘢咁,當你搵到間屋喇,下一步就係要諗點搬行李!

好彩我本身住sharehouse,大型傢俬唔多,最多都係得張可拆式嘅枱同個小櫃仔,淨返嘅都係衫褲鞋襪同CD。喺日本搬屋好多人都會搵搬屋公司幫手,嗰啲閒閒地都要成3至4萬(咁當然仲要睇你咩地區啦),上網搵過最平都要成萬yen左近,我又唔多嘢,又係搬返大阪市內,真心有錢都唔想用喺搬行李度!!!!

所以我選擇咗全部自己搬!!!!!!!!!!!!

個箱同埋張枱再加大量行李就坐一次的士搬,都係4000yen左近,淨返嗰啲就分咗三日,一放工就衝返sharehouse度推去搭地鐵回新居!!!唔好講笑,咁搞法我真係瘦左3kg!!!!!!喂又節到儉又減到肥,仲唔係一石二鳥!!!!!!!!!

不過我都仲有個朋友仔幫我吓我手,搬咗兩日,人間有情到真係要喊出黎!!!!!!!

除咗搬行李,日本如果要退屋嘅話係要將間屋還原,即係好似變返原廠設定咁!!!!所以除咗搬嘢之外,我都好努力咁打掃舊屋!!!!!
要還原一樣野,真係好難㗎!!!!!!!!!

然後我到而家先發現原來自己喺呢一年真係買咗好多唔等使嘅嘢,垃圾我都揼咗好幾大袋!!!我以後真係要節約咁生存,唔好買咁多嘢!!!!

搬完嘢,打掃完,之後就係買家電喇!!!!!

我個人又衰嘅,見係都要買咯,當然想買新嘢啦!!!嗱,我想要4K電視機嚟玩我部PS4啦,想要個焗爐連微波爐啦,又想要個高級啲嘅吸塵機喎,又想要個靚少少嘅洗衣機~講講吓我真係中六合彩都買唔掂~~~~

我都係畀啲心機賺錢然後慢慢買啦~

最後給大家一張早排影嘅櫻花相~

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。