每去一個地方旅行，必定要食一次當地麥當奴先至夠地道！日本麥當勞今年再度推出冬季熱賣單品「朱古力三角批」系列，除了原有嘅黑朱古力批外，更加入新成員「曲奇朱古力奶油三角批 」！
冬季限定「 曲奇朱古力奶油三角批 」
寒冬最正梗係飲番杯暖暖朱古力暖暖手、暖暖胃，但係單單飲杯熱朱古力實在太行，日本麥當奴就推出冬季限定嘅「朱古力三角派」系列，熱騰騰嘅巧克力醬絕對可以帶嚟100分嘅滿足感！
每一年除了定番口味濃郁黑朱古力之外，例牌加碼推出全新口味，今年就有「 曲奇朱古力奶油三角批 」，以曲奇奶油醬內餡配搭朱古力脆皮，比黑朱古力更吸引！
McCafé X GRANNY SMITH 蘋果批飲品
蘋果批同飲品聽落大纜都扯唔埋，不過日本McCafe同東京人氣蘋果批專賣店「GRANNY SMITH」聯名推出三款蘋果批飲品，以蘋果果肉、蘋果醬及肉桂，並撒上蛋捲碎為主題～分別有蘋果批冰沙、蘋果批凍latte、蘋果批熱latte，淡淡蘋果香，真心值得試！
