編輯部教您點用d POINT CARD先最著數!

之前介紹過嘅d POINT以遊日旅客為主要對象嘅海外版d POINT CARD,係一張完全唔需要註冊費、年費嘅點數卡嚟㗎!而且現時只要成功註冊做會員,就可以即刻享用各種優惠贈品。仲未註冊又或者仲未去拎實體卡嘅您,即刻為大家詳細介紹d POINT CARD嘅實際領取方法以及使用方法。過程只需3分鐘!先了解嚟日本前您要辦嘅註冊手續啦!
有人可能會覺得「要註冊做會員?好煩啫…」請放心!整個註冊會員過程十分簡單。您只需要由註冊頁面認證電郵地址,再輸入您嘅姓名、出生年月日、居住國家等就大功告成!下次嚟到日本之後,再去機場等地嘅docomo world counter領取d POINT CARD,並綁定您嘅帳號就OK㗎喇!


喺Tokyu Hands盡情爆買賺取大量d POINT!仲可以免稅𠻹!

相信大家都對出售豐富生活雜貨嘅超人氣都市型大型雑貨店Tokyu Hands唔會陌生。唔知您又係唔係品牌嘅粉絲呢?原來Tokyu Hands都係d POINT加盟店之一嚟㗎喎!由化妝品、日用品、旅行用品至家電・手機精品…店內擺滿林林種種遊日旅客至愛嘅產品。下次購物時,您只要於喺畀錢嘅時候出示d POINT CARD,每買滿100yen(不含稅)您就可以獲得1點數,換句話講購物滿10,000yen(不含稅)的話,您就可以獲得100點數!更重要嘅係,店內亦有提供免稅服務,非常適合大家送禮自用,買手信買得更抵!


儲落嘅d POINT可以換免費換雪糕!?
COLD STONE CREAMERY甜品時間啟動!

血拼血到咁上下,係時候都要抖一抖。呢個時候一杯甜品雪糕就最適合為疲勞身軀補充糖分!d POINT加盟店之一嘅COLD STONE CREAMERY係一家喺東京都、千葉縣或兵庫縣等各地都有分店嘅連鎖雪糕店。雪糕口味由芝士蛋糕、薄荷、士多啤梨等經典款式,到季節限定或聯乘口味都應有盡有,啱晒攤抖時放上FACEBOOK打卡!而且各款雪糕都只索價約510yen起,購物儲落嘅點數話唔定夠您免費換到一杯雪糕!?

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!